kamunikat
religion_by

У гэтай энцыкліцы Папа Ян Павел ІІ глыбока і ўдумліва аналізуе надзвычай актуальныя для нашага часу праблемы ўзаемаадносінаў веры і розуму, тэалогіі і філасофіі, паказвае няпростыя, але магчымыя шляхі іх гарманічнага ўзаемадзеяння. Шаноўныя браты ў біскупстве, шлю Вам сваё прывітанне і Апостальскае Благаславенне! Вера і розум (Fides et ratio) - як два крылы, на якіх дух чалавечы ўзносіцца да сузірання праўды. Сам Бог прывіў у людскім сэрцы прагу пазнання праўды. Канчатковаю мэтаю гэтага пазнання ёсць пазнанне Яго самога, каб чалавек, пазнаючы Яго і любячы, мог дайсці таксама да поўнай праўды пра сябе (пар. Вых 33, 18; Пс 27 [26], 8-9; 63 [62], 2-3; Ян 14, 8; 1 Ян 3, 2). 1. Як у гісторыі Усходу, так і ў гісторыі Захаду можна заўважыць, што чалавек на працягу стагоддзяў прайшоў пэўны шлях, які паступова вёў яго да сустрэчы з праўдаю і да сутыкнення з ёю. Працэс гэты завяршыўся (бо не магло быць іначай) у сферы асабістага самапазнання: чым больш чалавек пазнае рэчаіснасць і свет, тым лепш ведае сябе як адзіную ў сваім родзе істоту, і разам з тым усё больш неадкладным становіцца для яго пытанне пра сэнс рэчаў і яго ўласнага існавання. Усё, што з'яўляецца прадметам нашага пазнання, становіцца тым самым часткаю нашага жыцця. Заклік «пазнай самога сябе», высечаны на архітраве святыні ў Дэльфах, з'яўляецца сведчаннем фундаментальнай праўды, якую кожны чалавек павінен прызнаваць найвышэйшым прынцыпам, вызначаючыся сярод усяго стварэння менавіта як чалавек, г.зн. той, хто «ведае самога сябе». Болей...

kamunikat
religion_by

Эдуард Акулін нарадзіўся 7 студзеня 1963 годзе ў вёсцы Вялікія Нямкі на Гомельшчыне. Скончыў Гомельскі дзяржаўны універсітэт імя Ф. Скарыны і асьпірантуру АН Беларусі. Працаваў настаўнікам, загадчыкам філіі Літмузея М.Багдановіча “Беларуская хатка”, намесьнікам галоўнага рэдактара часопіса “Першацьвет”, рэдактарам аддзела паэзіі часопіса “Полымя”. Цяпер -- намеснік галоўнага рэдактара часопіса “Дзеяслоў”, а таксама намеснік старшыні Саюза беларускіх пісьменнікаў. Аўтар кніг паэзіі : “Пяшчота ліўня”(1990 г.), “Крыло анёла”(1995 г.), драматычнай містэрыі “На Каляды”(1996 г.), “Радно”(2000 г.), “Непрычалены човен” (2003 г.), магнітаальбомаў : “Мая Крывія”(1995 г.), “Як яна і я”(2000 г.) і кампактдыску “Напачатку была Песьня” (2003 г.). Лаўрэат другой прэміі 1-га ўсебеларускага фестывалю бардаўскай песьні (1993 г). Болей...

kamunikat
religion_by

Імя Адама Станкевіча - беларускага каталіцкага святара, асветніка, паэта і публіцыста вяртаецца з небыцця. Яго жыццё і дзейнасць былі ўскладнёны гістарычнымі ўмовамі - савецкая ўлада, якая толькі прйшла на Беларусь, бачыла ў ім небяспеку. Менавіта таму Адам Станкевіч быў рэпрэсаваны. Яму інкрымінавалі шпіянаж на карысць Японіі. Творчая спадчына А.Станкевіча багатая і шматгранная: ён даследаваў гісторыю Беларусі і беларускай культуры, гісторыю хрысціянства на Беларусі, гісторыю беларускага нацыянальна-вызваленчага руху, літаратуразнаўства, тэалогію, царкоўную гімнаграфію і царкоўнае аратарскае мастацтва, урэшце, шматтэмную публіцыстыку. Аўтар дзевятнаццаці кніг і брашур, каля дзвюх тысяч эсэ, артыкулаў, нататак. Акрамя таго быў універсітэцкім выкладчыкам, сябрам Грамады. Шмат асветніцкай і пастырскай працы святар аддаў беларускаму Палессю. Безумоўна, што такі спіс не мог быць пакінуты без увагі катаў. Цынічныя сведчанні сцвярджаюць, што памёр Адам Станкевіч ад “атлусцення сэрца”. Зразумела, што гэта зусім не так... Кніга Уладзіміра Конана дае праўдзівы погляд на жыццё і апісвае сапраўдныя падзеі мінулых гадоў. (Н.Г.) Болей...